Reperi kontravers UniKKatil, që jeton në SHBA, është njëri prej reperëve që më së shumti kërkohët nga të rinjtë shqiptarë në youtube.com, shkruan sot Express.Lirikat e UniKKatilit, edhe pse eksplicite, kanë arritur të fitojnë zemrat e shumë adhuruesve në Kosovë dhe Shqipëri. Katër këngët më të kërkuara të këtij këngëtari janë “Qa Tha”, që është klikuar në youtube më shumë se 1.249.840. Një këngë tjetër po ashtu shumë e pëlqyer e këtij këngëtari është “N’rrot somës”, që vetëm në një vend ka 911.554 klikime, ndërkaq në një vend tjetër më shumë se 200 000. Pas kësaj kënge, adhuruesit pëlqejnë edhe këngën tjetër të UniKKatilit, “Kile, Kile”, që ka 820.292 klikime. Këngë të tjera që po ashtu dëgjojnë adhuruesit e këtij këngëtari janë: “Vetëbesim” (664.444), “Qendro” (446,597), “Mos m’shaj pas shpine” (415.248), “Ku t’meten shokt”(319.775). Me 300 000 e më shumë klikime UniKKatil ka edhe dhjetë këngë të tjera.
